हेटौंडा । नेकपा एमाले मकवानपुर अन्तर्गत जिल्ला विपद व्यवस्थापन तथा स्वंमसेवा बिभागको आयोजनामा विपद व्यवस्थापन तथा प्राथमिक उपचार अभिमुखीकरण कार्यक्रम सम्पन्न भएको छ । विभागका प्रमुख शिवहरि दाहालको अध्यक्षता एवं नेकपा एमाले केन्द्रीय सदस्य तथा मकवानपुर जिल्ला इन्चार्ज रामेश्वर रानाको प्रमुख आतिथ्यमा भएको कार्यक्रममा बागमती प्रदेश कमिटी सदस्य सुमित्रा काफ्ले, नेकपा एमाले जिल्ला सचिब सीता विष्ट, उपसचिव फुर्वादोर्जे लामा, जिल्ला जनसंगठन संयन्त्र प्रमुख सन्तोस पौडेल,जिल्ला बन तथा बाताबरण बिभाग प्रमुख पन्चमाया स्याङ्गतान, जिल्ला स्वास्थ्य विभाग प्रमुख उत्सब चौलागाईंले मन्तव्य व्यक्त गरेका छन् । नेकपा एमाले मकवानपुरले प्राकृतिक प्रकोप तथा अन्य बिपद प्रतिकार्यमा उद्दार, राहत तथा पुनस्थापनाको काममा स्वयंसेवकीय भुमिका निर्वाह गर्न जिल्ला स्तरमा ६५ जनाको स्वंमसेवक टोलि तयार गरिएको हो ।
नेकपा एमालेका विभिन्न जनवर्गीय संगठन तथा पार्टी कमिटीका ६५ जना स्वंमसेवकलाई तालिम प्रदान गरिएको नेकपा एमाले मकवानपुर जिल्ला विपद व्यवस्थापन तथा स्वंमसेवा बिभागका प्रमुख शिवहरि दाहालले जानकारी दिएका छन् । प्रमुख दाहालले जिल्लामा बाढि, पहिरो, डुवान,आगलागी, हुरि बतास लगायतको प्राकृतिक प्रकोप तथा अन्य बिपदमा स्थानिय प्रशासन एवं स्थानिय सरकारसङ्ग समन्वय एवं सहकार्य गरेर स्वंमसेवक परिचालन गर्ने बताए । तालिमलाइ पिताम्बर बास्तोला, लक्ष्मण भट्टराई तथा रामजी खतिवडाले सहजिकरण गरेका थिए । कार्यक्रममा पार्टी जिल्ला कमिटीका सद्स्यहरु, नगर कमिटीका पदाधिकारी एवं सदस्यहरु, जिल्ला बिभागका सदस्यहरु तथा विभिन्न जनसंगठनका प्रमुख एवं सदस्यहरुको उपस्थिति रहेको थियो ।
रातो समाचार संवाददाता
थप जानकारी
प्रतिक्रिया दिनुहोस्