सुनसरीको इनरुवा नगरपालिका २ का झमेली पंडितले तिहारका लागि बनाएको माटोको दियोले बजार पाएपछि खुसी व्यक्त गर्नुभयो । तिहार नजिकिनुभन्दा एक महिना अघिबाटै माटोको दियोसहित कलश र माटाको भाँडा बनाउनमा व्यस्त बनेको उहाँ बजारमा दर्जनको ३० रुपियाले दियो विक्री गर्न पाएकोमा खुसी भएको बताउनुभयो ।
पंडितले सोमबारे हाटमा पाँच हजार दियो विक्रि गरेको सुनाउँदै गत वर्ष कोरोनाले हाट बन्द भएको र यसपाली हाटमै बेच्न पाएपछि आफू खेशी भएको बताउनुभयो ।
पण्डितजस्तै पानवनी पंडितले पनि आफूले बनाएको दियोले बजार पाएपछि सिजनमा १५ हजार रुपियाँ आम्दानी भएको बताउनुभयो । इनरुवासहित सुनसरीका बिभिन्न गाउपालिका र नगरपालिका क्षेत्रमा कुम्भकार पंडित समुदायका मानिसले माटोको भाँडा बनाउने काम गर्दैआएकोमा प्लास्टिकको सामग्री प्रयोग भएपछि माटोको भाँडो संकटमा पर्दैआएको छ । भाँडो र दियो कलश धार्मिक तथा सांस्कृतिक पर्व तिहारमा प्रायःले दियो प्रयोग गर्ने भएकाले माटोको दियो र कलशले बजार पाएको रमेश पंडितको भनाई छ ।
तिहार र छठमा आवश्यक पर्ने माटोको भाँडोसहित दियो र कलश लगायतका माटोको भाँडाको बजारमा माग बढ्दै गएको उहाँले बताउनुभयो । यसपाली सामानको उचित मूल्य पाएको पनि उहाँले बताउनुभयो । कुम्हार समुदायका मानिसले कालो अर्थात कुमाले माटो ल्यएर दियो र कलश लगायतका सामग्रीहरु बनाएर बजारमा बेच्ने गरेका छन् ।
इनरुवा नगरपालिका २ का जितन पण्डितले वर्तमान अवस्थामा कुम्भकारको पेशा संकटमा रहेको बताउँदै चाडपर्व नहुने हो भने हातमुख जोड्न समस्या हुने चिन्ता व्यक्त गर्नुभयो । पण्डितकाअनुसार माटो पाउन निकै मुस्किल रहेको अवस्थामा बजारमा आएको रेडिमेट, प्लास्टिकका सामानले केही समस्या पारेको बताउनुभयो ।
बजारमा उचित मूल्य नपाए पनि आफूहरुले पुर्खौली पेशा भएकाले बचाई राख्न भएपनि माटोको भाँडा बनाउने काममा लागेको उहाँको भनाई छ ।
प्रतिक्रिया दिनुहोस्