अफगानिस्तानमा बस दुर्घटना हुँदा चार जनाको मृत्यु कलात, अफगानिस्तान, १० साउन (रासस÷सिन्ह्वा) – अफगानिस्तानको दक्षिणी जाबुल प्रान्तमा मङ्गलबार यात्रुबाहक बस दुर्घटना हुँदा चार यात्रुको मृत्यु हुनुका साथै अन्य ४८ जना घाइते भएका प्रहरी स्रोतले जानकारी दिएको छ । दुर्घटना मङ्गलबार बिहान शहर–ए–साफा जिल्लामा भएको जनाइएको छ । यसैबीच, प्रदेश जनस्वास्थ्य विभागका निर्देशक अब्दुल हाकिम हाकिमीले तीन महिलासहित चारजनाको शव र महिला, बालबालिकासहित ४८ घाइतेलाई अस्पताल लगिएको पुष्टि गरेका छन् । चालकको लापरवाह र युद्धग्रस्त अफगानिस्तानमा विगे्रका सडकका कारण दुर्घटनाहरु निम्त्याउँने ट्राफिक प्रहरी अधिकारीहरूका जानकारी दिएका छन् ।रासस