मकवानपुर प्रहरीले हेटौंडा–१५ बाट लागुऔषध चरेश जस्तै देखिने पर्दाथ सहित २ जनालाई पक्राउ गरेको छ ।

प्रहरीले दिएको जानकारी अनुसार धादिङ जिल्लाको गजुरी गाउँपालिका–८ का ४२ वर्षीय केदार तामाङ र ३६ वर्षीय सुकमान तामाङलाई पक्राउ गरेको जिल्ला प्रहरी कार्यालय मकवानपुरले जनाएको छ ।

प्रहरीले दिएको जानकारी अनुसार सुरक्षाजाँचका क्रममा हेटौंडाबाट पथलैयातर्फ जाँदै गरेको ना. ७ ख ६०६१ नम्बरको यात्रुवाहक बसबाट शुक्रबार बेलुकी ६ बजेर ५५ मिनेटको समयमा हेटौंडा–१५ स्थित रातोमाटे प्रहरी चेकपोष्टमा उनिहरु पक्राउ परेका हुन् ।

उनीहरुको साथबाट १४ किलो चरेश जस्तो देखिने पर्दाथ सहित पक्राउ गरेकोर दुबैलाई मकवानपुर जिल्ला अदालतबाट १० दिनको म्याद लिई अनुसन्धान भइरहेको छ ।