हेटौंडा/ जिल्ला प्रहरी कार्यालय मकवानपुरको नेतृत्व प्रहरी टोलीले धारिलो हतियार खुकुरी देखाई लुटपाट गरेको आरोपमा हेटौंडाबाट दुई जनालाई २ जनालाई पक्राउ गरेको छ ।

पक्राउ पर्नेमा हेटौंडा – ११ बस्ने वर्ष २० को असमिन चौलगाई र वर्ष २० को अनिस चौलगाईं रहेको जिल्ला प्रहरी कार्यालय मकवानपुरका प्रहरी प्रवक्ता डिएसपी श्यामु अर्यालले जानकारी दिएका छन् ।

प्रहरी प्रवक्ता डिएसपी अर्यालले जानकारी दिए अनुसार उनीहरुलाई अस्थायी प्रहरी पोष्ट थानाभर्याङ मकवानपुरबाट खटिएको प्रहरी टोलीले हेटौंडा- ११, थानाभर्याङस्थित राप्ती रिभर साइडबाट उनीहरु पक्राउ परेका हुन् ।
बकैया गाउँपालिका वडा नम्वर नं. ४ बस्ने वर्ष २० को मनिष फुयाल र वर्ष २४ को सुजन पौडेलको १ तोलाको सुनको सिक्री लुटपाट गरेको उनीहरु  माथी आरोप छ ।

पक्राउ परेकाहरुलाई चोरी तथा डाँका सम्बन्धी कसुर मुद्धामा मकवानपुर जिल्ला अदालतबाट ४ दिनको म्याद अनुमति लिई घटनाको थप अनुसन्धान भइरहेको प्रवक्ता अर्यालले बताए ।