रोशन दिप – हेटौडा – ४ नारायणी मलमा रहेको एनएस सिनेमा हलमा साउथ हिन्दी मुवी इंडस्ट्रीका पैन इंडिया सुपरस्टार जुनियर एनटिआर अभिनीत मुवी देवरा असोज १० गते शुक्रबार देखि रिलिज हुँदैछ ।
मुवीको अग्रिम टिकट बुकिङ खुला गरिसकेको छ भने मुवीले पहिलो दिन अग्रिम टिकट बुकिङमा रेकर्ड ब्रेक कमाई गरिसकेको छ।
कोरताला शिवा निर्देशन गरेको मुवी देवराु २ भागमा रिलिज हुनेछ। एनटिआरसँगै जान्हवी कपूर, श्रुति मराठे, प्रकाश राज, श्रीकान्त, सैफ अली खान लगायत कलाकारको अभिनय रहेको मुवीबाट जान्हवीले दक्षिण भारतीय मुवीमा डेब्यू गरेकी हुन्।
३०० करोड बजेटमा बनाइएको देवरा मुवी जुनियर एनटिआरको ६ वर्षपछि रिलिज हुन लागेको सोलो मुवी हो। जसमा भीएफएक्सको अधिकतम प्रयोग गरिएको छ । जुनियर एनटीआरले मुवीमा बाबुछोराको डबल रोल भूमिका निर्वाह गरेका छन् । समुन्द्री किनारमा बसोबास गर्ने एक शक्तिशाली र निडर पात्र देवराको कथा देखाइएको छ जो आफ्नो गाउँवासीहरुको लागी समुन्द्रबाट आउने लुटेरा र खतराको सामना गर्न तत्पर छन् । देवराको शाब्दिक अर्थ देवता हो ।
तपाईँ भने सह-परिवार एनएस सिनेमा हलमा गएर आफुलाई मनपर्ने मुवी हेर्न न छुटाउनु होला । टिकट लिनको लागि एन एस सिनेमा हलको चौथो तल्लामा रहेको काउन्टरमा जानसक्नु हुने छ । हलको संपर्क नम्बर ०५७-५२०९४९ मा अग्रिम बुकिङ्ग गर्न सकिने एनएस सिनेमा हलका संयोजक माधव रिमालले बताए ।
प्रतिक्रिया दिनुहोस्